Organizata e Veteranëve të Luftës së UÇK-së ka përkujtuar sot 45-vjetorin e rënies heroike të Tahir Meha dhe Nebih Meha, duke nderuar jetën, veprën dhe qëndresën e tyre për liri dhe dinjitet kombëtar.

Përmes një postimi në Facebook, OVL e UÇK-së ka vlerësuar sakrificën e familjes Meha si një nga simbolet më të fuqishme të rezistencës shqiptare.

“Sakrifica e familjes Meha mbetet një nga simbolet më të fuqishme të rezistencës shqiptare, frymëzim i përhershëm për brezat që luftuan dhe vazhdojnë ta duan atdheun me të njëjtin ideal”, thuhet në reagim.

Në fund të postimit, OVL e UÇK-së ka shprehur nderim për të rënët me mesazhin: “Lavdi!”. /Lajmi.net/