Sipas policisë, kontrollet janë zhvilluar nga 4 deri më 10 maj, ndërsa shumica e gjobave janë shqiptuar për tejkalim të shpejtësisë, parking të parregullt dhe xhama të errësuar.

Nga statistikat e publikuara, 338 shoferë janë gjobitur për tejkalim të shpejtësisë, 215 për parking të parregullt dhe 146 për xhama të errësuar. Gjoba janë shqiptuar edhe për përdorim të telefonit gjatë vozitjes, mosrespektim të shenjave të komunikacionit, mosmbajtje të distancës dhe kundërvajtje të tjera në trafik.

Policia u ka bërë apel qytetarëve që të respektojnë rregullat e komunikacionit, duke paralajmëruar se kontrollet do të vazhdojnë edhe në ditët në vijim.

“Një moment pakujdesie mund të ketë pasoja të rënda për jetën”, thuhet në apelin e policisë. /Lajmi.net/