Ish-deputetja Albena Reshitaj ka treguar arsyet pse iu bashkua rrugëtimit politik krah ish-presidentes Vjosa Osmanit në zgjedhjet e 7 qershorit.

Në emisionin “Info Magazine” në Klan Kosova, Reshitaj tha se angazhimi i saj politik lidhet me bindjet që ka pasur prej kohësh dhe me mbështetjen ndaj Osmanit.

“Unë nuk kam lëvizur nga askund. Thjesht po vazhdoj të jem pjesë e bindjeve të mia politike dhe e qëndrueshmërisë politike të Vjosa Osmanit. Kam ardhur në këtë pjesë për ta përkrahur një presidente tek e cila kam pasur besim të plotë se do të jetë shumë e suksesshme, dhe ashtu ka rezultuar të jetë”, deklaroi Reshitaj.

Ajo tha njëherësh, se ky veprim nuk përbën largim nga ndonjë subjekt politik, por, sipas saj, është vazhdimësi e bindjeve të saj politike që nga viti 2021.