Një rast i dhunës në familje është raportuar pas një mosmarrëveshjeje mes dy bashkëshortëve, ku gruaja dyshohet se ka ushtruar dhunë fizike ndaj burrit të saj.

Sipas njoftimit të Policisë, ngjarja ka ndodhur pas një konflikti verbal në familje, i cili më pas ka eskaluar në përleshje fizike. Viktima në këtë rast është bashkëshorti i të dyshuarës.

Policia ka bërë të ditur se pas pranimit të rastit, të dy palët janë shoqëruar dhe intervistuar lidhur me rrethanat e incidentit. Me vendim të prokurorit kompetent, palët janë liruar në procedurë të rregullt, ndërsa rasti po vazhdon të trajtohet nga organet përgjegjëse.

Njoftimi i plotë:

 Prishtinë / 09.05.2026 – 19:40. Pas një mosmarrëveshje në familje në mes dy bashkëshortëve, e dyshuara femër kosovare dyshohet se ka sulmuar fizikisht bashkëshortin e saj viktimën mashkull kosovar. Palët janë intervistuar dhe me vendim të prokurorit janë liruar në procedurë të rregullte. /Lajmi.net/