Ministri në detyrë i Punëve të Brendshme, Xhelal Sveçla, ka rikonfirmuar përkushtimin e Republika e Kosovës për integrimin euroatlantik, duke e cilësuar këtë proces si kyç për të ardhmen e vendit.

Ai theksoi se Kosova mbetet e vendosur në synimin e saj për t’u anëtarësuar në Bashkimi Evropian dhe NATO, duke e konsideruar këtë si një domosdoshmëri strategjike, raporton lajmi.net

“Republika e Kosovës është e përcaktuar, e angazhuar dhe e përkushtuar në rrugën e saj drejt antarësimit në Bashkimin Evropian dhe në NATO, si një domosdoshmëri por edhe si garancia më e mirë për stabilitetin dhe sigurinë afatgjate në rajon në njërën anë dhe zhvillimin e qëndrueshëm në anën tjetër”, ka deklaruar Sveçla./Lajmi.net/