Ish-presidenti i Kosovës, Hashim Thaçi, në një intervistë nga burgu në Hagë për emisionin “Opinion” të Blendi Fevziu, ka folur edhe për humbjen e babait të tij.

Ai tha se dhimbjen e ka përjetuar duke ndjekur ceremoninë e varrimit përmes televizorit.

“Me ndjenjën e vërtetë njerëzore i kam përjetuar dhimbjen, lotët dhe ofshamat derisa e përcillja në TV varrimin e babait”, u shpreh Thaçi.

Ai shtoi se, megjithëse arrin të flejë, gjumi nuk i sjell rigjenerim të mjaftueshëm mendor dhe fizik. /Lajmi.net/