Kryeministri në detyrë, Albin Kurti, ka emëruar Ali Dulën, në pozitën e zëvendësministrit të parë në Ministrinë për Zhvillim Rajonal.

Kështu ka bërë të ditur Zyra e Kryeministrit, ku shtohet se Kurti i ka uruar suksese Dulës në detyrën e tij.

Dula, ka qenë kandidat i Vetëvendosjes për kryetar të komunës së Rahovecit, në zgjedhjet komunale të mbajtura vitin e kaluar.

“Në takimin e mbajtur sot me Grupin Punues të Qendrës së Lëvizjes VETËVENDOSJE! në Rahovec, me pjesëmarrjen e Kryeministrit Albin Kurti, sekretarit Rama dhe drejtuesëve të strukturës në Pika, u zyrtarizua dhe u mbështet kandidatura e Ali Dulës për kryetar komune”, është thënë mes tjerash në njoftimin e VV’së.

Komunikata e plotë e ZKM’së:

Ali Dula emërohet zëvendësministër i parë në Ministrinë për Zhvillim Rajonal

Prishtinë, 1 maj 2026

Kryeministri në detyrë i Republikës së Kosovës, Albin Kurti, ka emëruar z. Ali Dula në pozitën e zëvendësministrit të parë në Ministrinë për Zhvillim Rajonal.

Kryeministri në detyrë Kurti e uroi z. Dula për detyrën e re dhe i dëshiroi suksese në përmbushjen e përgjegjësive të reja./Lajmi.net/