Një person i privuar nga liria është arratisur nga Reparti i Psikiatrisë Forenzike në Prishtinë.

Sipas raportimit, rasti ka ndodhur më 21 prill 2026 rreth orës 15:20, kur i dyshuari, mashkull kosovar, ka arritur të largohet nga institucioni ku ndodhej në trajtim të detyruar me vendim të gjykatës.

Autoritetet kanë bërë të ditur se rasti është në procedurë hetimore, ndërsa po ndërmerren veprime për kapjen e personit të arratisur.

Raporti i plotë:

ARRATISJE E PERSONIT TË PRIVUAR NGA LIRIA

Prishtinë 21.04.2026-15:20. Është raportuar se nga Reparti i Psikiatrisë Forenzike është arratisur i dyshuari mashkull kosovar i cili ka qenë në trajtim të detyruar nga gjykata. Rasti në procedurë hetimore./lajmi.net/