Gjykata Themelore në Prishtinë ka shpallur sot aktgjykimin në rastin e vrasjes makabër të Liridona Ademajt.

Gjykata mori vendim që të dënojë me burgim të përjetshëm të akuzuarit, Naim Murseli (ish bashkëshorti i Liridona Ademajt), dhe Granit Plavën.

Kurse për të akuzuarin tjetër Kushtrim Kokalla gjykata mori vendim për dënim prej 30 vitesh burgim.

Pas kësaj, familjarët e Liridona Ademajt janë përqafuar me njëri-tjetrin, me avokatin si dhe hetuesit policor që kanë përcjellur nga afër këtë rast.

Vrasja e Liridona Ademajt ka qenë një ndër vrasjet më të rënda të ndodhura në Kosovën e pasluftës./Lajmi.net/