Hetues të Policisë janë duke marrë pjesë në seancën ku jepet vendimi final për rastin e vrasjes së Liridona Ademajt.

Tre të akuzuarit Naim Murseli, Granit Plava dhe Kushtrim Kokalla, nuk janë duke marrë pjesë në seancë, pasi kështu kanë kërkuar në seancën e kaluar, transmeton lajmi.net.

Prokuroria dhe ekipi mbrojtës i familjes Ademaj kanë kërkuar burgim të përjetshëm ndaj tre të akuzuarve.

Seanca është duke u zhvilluar në Gjykatën Themelore në Prishtinë.

Përpos familjarëve, numër i madh i mediave gjendet në sallë për të përcjellë dhënien e vendimit./lajmi.net/