Një aksident trafiku ka ndodhur të mërkurën në fshatin Bershanc të Suharekë, ku janë përfshirë një veturë dhe një çiklist i mitur.

Si pasojë e aksidentit, lëndime të rënda ka pësuar një fëmijë 9-vjeçar, i cili është dërguar me urgjencë për trajtim në QKUK.

Fëmija aktualisht ndodhet në Mjekim Intensiv. Këtë e ka bërë të ditur për lajmi.net, drejtori i Emergjencës, Naser Syla.

“Fëmija i lindur 2017, gjendje e rëndë, politraumë, pas ekzaminimeve të kryera në Qendrën Emergjente, është dërguar në sallën operative të QE-së nga ekipet kujdestare të Neurokirurgjisë dhe Anestezionit. Pas trajtimit është transferuar në Mjekësinë Intensive për trajtim të mëtutjeshëm”, ka deklaruar Syla.

Rrethanat e aksidentit janë duke u hetuar nga organet kompetente. /Lajmi.net/