Një person është gjetur pa shenja jete mbrëmë në Prishtina, ndërsa Policia ka nisur hetimet për sqarimin e rrethanave të rastit.

Rastin për lajmi.net, e ka konfirmuar zëdhënësi i Policisë për Prishtinë, Enis Pllana, i cili ka bërë të ditur se rasti po hetohet në koordinim me Prokurorin e Shtetit.

Sipas Policisë, rreth orës 23:30 është pranuar informata se një person ndodhej i pajetë në rrugën “Radovan Zogoviç”.

“Menjëherë pas marrjes së njoftimit, njësitet policore dhe ekipi mjekësor kanë dalë në vendin e ngjarjes. Vdekjen e viktimës, mashkull, e ka konstatuar ekipi mjekësor në vendngjarje”, ka deklaruar Pllana.

Tutje, Policia ka bërë të ditur se janë duke u ndërmarrë të gjitha veprimet hetimore dhe ekzaminimet e nevojshme, me qëllim të sqarimit të plotë të rrethanave të rastit. /Lajmi.net/