Policia bastisë shtëpinë e një personi në Skenderaj, u shfaq në rrjete sociale duke ekspozuar armë zjarri – i konfiskohen disa pistoleta dhe armë të gjata

Lajme

15/04/2026 09:04

Policia e Kosovës ka bastisur shtëpinë e një personi në Skenderaj që u shfaq në rrjetet sociale duke ekspozuar armë.

Gjatë bastisjes, Policia ka sekuestruar tri pistoleta, dy armë të gjatë dhe fishekë, transmeton lajmi.net.

I dyshuari është intervistuar për posedim të paautorizuar të armëve dhe posedim te armëve me autorizim të skaduar. Në konsultim me prokurorin, rasti vazhdon të hetohet në procedurë të rregullt.

Raporti i plotë:

Policia në Skenderaj realizon bastisje, sekuestron armë dhe municion

Skenderaj, 14 prill 2026

Bazuar në informatën e pranuar se një person ishte shfaqur në rrjetet sociale duke ekspozuar një armë, hetuesit policorë në Skenderaj kanë ndërmarrë veprime hetimore dhe si rezultat është identifikuar dhe lokalizuar personi i dyshuar.

Më datë 14.04.2026, mbi dyshimet e bazuara është realizuar bastisje në shtëpinë e të dyshuarit në zonën e Skenderajt. Gjatë kontrollit janë gjetur dhe sekuestruar pesë armë:

-Tri armë të shkurta (pistoleta)

-Dy armë të gjata

-734 fishekë të kalibrave të ndryshëm

Ndaj tij është iniciuar rast penal për veprën: “Mbajtje në pronësi, kontroll ose posedim të paautorizuar të armëve.”/lajmi.net/