Një mjet i dyshimtë është gjetur në fshatin Lubizhdë të Prizren, por pas verifikimeve ka rezultuar se nuk bëhet fjalë për mjet shpërthyes.

Sipas raportit 24-orësh të Policia e Kosovës, mjeti është sjellë në polici nga një qytetar, i cili e kishte gjetur teksa po mblidhte hekura.

Menjëherë pas raportimit, vendi i ngjarjes është siguruar nga njësitë policore, ndërsa në vendngjarje ka dalë edhe njësia për deminim e Forca e Sigurisë së Kosovës.

Pas ekzaminimit, është konstatuar se mjeti nuk është i rrezikshëm dhe nuk ka të bëjë me ndonjë mjet shpërthyes.