Punëtorët e kompanisë Eko Regjioni kanë hyrë në grevë, duke kërkuar rritje të pagave dhe përmirësim të kushteve të punës.

Si pasojë e grevës, grumbullimi i mbeturinave është ndërprerë, duke bërë që në disa pjesë të qytetit të krijohen grumbuj të mëdhenj mbeturinash. Qytetarët po përballen me vështirësi, ndërsa situata rrezikon të përkeqësohet nëse greva vazhdon.

Punëtorët kanë bërë të ditur se nuk do t’i rikthehen punës deri në plotësimin e kërkesave të tyre, ndërsa deri më tani nuk ka një reagim zyrtar për zgjidhjen e situatës. /Lajmi.net/