Këshilli i Përgjithshëm i Aleancës për Ardhmërinë e Kosovës do të mblidhet sot në ora 16:00 për të shqyrtuar zhvillimet aktuale politike në vend.

Sipas njoftimit zyrtar të partisë, gjatë mbledhjes do të diskutohen qëndrimet e Aleancës lidhur me situatën e krijuar, duke përfshirë analizën e sfidave politike dhe strategjitë e ardhshme të partisë, raporton lajmi.net

Pas përfundimit të takimit, AAK do të bëjë të ditura vendimet dhe qëndrimet që do të dalin nga diskutimet e anëtarëve të Këshillit të Përgjithshëm, duke ofruar një pasqyrë të qartë për opinionin publik dhe mbështetësit e partisë./Lajmi.net/