Të paktën 25 anëtarë të Gardës Kombëtare të Meksikës kanë vdekur gjatë një vale dhune në shtetin e Jaliscos pas vrasjes së një bosi droge, tha ministri i sigurisë i vendit.

Trazirat kanë shpërthyer në të paktën 20 shtete që kur Nemesio Oseguera Cervantes – i njohur më mirë si “El Mencho” – vdiq në paraburgim të dielën, pak pasi u kap nga forcat speciale meksikane.

Meksika ka dërguar 2,500 ushtarë në perëndim të vendit për të forcuar sigurinë, tha të hënën Sekretari i Mbrojtjes Ricardo Trevilla, shkruan BBC.

Karteli i Gjeneratës së Re të Jalisco-s (CJNG) është një nga organizatat kriminale më të frikshme në Meksikë dhe udhëheqësi i saj ishte njeriu më i kërkuar i Meksikës para vdekjes së tij të dielën.