Policia e Kosovës, përmes Drejtorisë për Hetimin e Trafikimit me Narkotik, ka arrestuar një person të dyshuar gjatë një rasti të dhunës në familje në rajonin e Ferizajt, ku dyshohej për posedim të substancave narkotike.

Me urdhër të Gjykatës dhe në prezencë të një dëshmitari, është kontrolluar prona ku jetonte i dyshuari L.I., mashkull/kosovar, dhe janë konfiskuar si prova materiale:

• 86.7 gram marihuanë;

• 4.7 gram kokainë;

• 40.2 gram marihuanë në formë çokollate;

• Një pistoletë me gaz me një karikator dhe 6 fishekë;

• 400 euro në para të gatshme;

• 2 telefona mobil;

• Një pako me letra për mbështjelljen e narkotikëve;

• Një peshore digjitale.

Veprimet u ndërmorën në bashkëpunim me Prokurorinë Themelore Ferizaj. Pas intervistimit, me aktvendim të prokurorit kujdestar, i dyshuari është dërguar në mbajtje. /Lajmi.net/