Deputetët e Kuvendi i Kosovës do të mblidhen sot në seancë plenare për të shqyrtuar në lexim të dytë Projektligjin për Ndarjet Buxhetore për vitin 2026. Seanca është caktuar të nisë në orën 11:00.

Një ditë më parë, projektligji mori mbështetjen e Komisioni për Buxhet dhe Financa, ku u votua për përfshirjen e buxheteve të Komunës së Prishtinës dhe Komunës së Shtimes në draftin përfundimtar, transmeton lajmi.net.

Propozimi u paraqit nga ministri i Financave, Hekuran Murati, i cili deklaroi se të dy komunat kanë përmbushur kriteret e nevojshme për t’u përfshirë në pjesën tabelare të projektligjit.

Më 16 shkurt, projektligji për buxhetin e vitit 2026 kaloi në lexim të parë me 66 vota pro, 32 kundër dhe pesë abstenime.

Sipas draftit, buxheti i përgjithshëm i shtetit për vitin 2026 parashihet të arrijë në rreth 4 miliardë euro./lajmi.net/