Në Gjykatë Speciale sot dhanë fjalën përfundimtare avokatët mbrojtës.

Pasi përfundoi deklarimi i tyre radha është tek deklarimet përmbyllëse të ish-krerëve të UÇK-së që po mbahen në Hagë.

I pari që nisi deklarimin është ish-presidenti Hashim Thaçi.

Me të nisur deklarimin Thaçi ka mohuar të gjitha akuzat që janë ngritur në drejtim të tij nga Prokuroria Speciale.

Ai në fillim të deklarimit uroi qytetarët e Kosovës për përvjetorin e 18-të të pavarësisë, derisa shprehu keqardhje për të gjitha viktimat e luftës në Kosovë.

“Për gati tri vite në këtë sallë ju keni dëgjuar akuzat e prokurorisë. Ju keni dëgjuar edhe të vërtetën. Është vetëm një e vërtetë. Unë jam plotësisht i pafajshëm.

Në deklarim, Thaçi ka përkujtuar edhe periudhën kur ishte student në Zvicër, duke thënë se nuk kishte plane për marrjen e pushtetit dhe se planet për dhunë dhe gjenocid në Kosovë u hartuan nga regjimi i Slbodan Millosheviqit, që siç tha Thaçi, e kishte dënuar atë në mungesë, njësoj si edhe liderët e tjerë botërorë.

Thaçi po ashtu tha se kthimi i tij në Kosovë nuk kishte si qëllim pushtetin, por luftën për liri dhe paqe.

Gjithashtu Thaçi tha se i vetmi, ama bash i vetmi kundërshtar ishte Sllobodan Millosheviqi.

“Është vetëm një e vërtetë. Unë jam plotësisht i pafajshëm.Në kohën e masakrave në fillimit të vitit 1998, isha student në Cyrih. Unë nuk po bëja plane si ta marr kontrollin e Kosovës, i vetmi njeri i cili po bënte plane morpide ishte Sllobodan Millosheviqi. Duke i parë masakrat në vendim tim nuk mund të qëndrojë indiferent, vendosa të vi në Kosovë. Ndërsa atë që do të bënte secili prej jush. Për ketë jam krenar dhe nuk i bie pishman asnjëherë. Është ofendim për kujtimin e heronjve dhe mijëra viktimave. Është ofendim dhe për përpjekjet e NATO-s me të cilët bashkëpunuam ngushtë”, shtoi Thaçi.

“Është e rëndë të dëgjojë ketë akuzë. Unë nuk isha i sigurt nëse do të shihja familjen time e lërë më të ushtrojë kontroll. Unë u ktheva në atdhe për të rrezikuar jetën time për liri”, potencoi ai.

Kontrolli dhe pushteti ishin në duart e hekurta të Sobodan Millosheviqit./Lajmi.net/