Pas pak pritet të mblidhet Kuvendi i Kosovës për të mbajtur seancën solemne me rastin e 18-vjetorit të shpalljes së Pavarësisë së Kosovës.

Në përgatitjet e fundit janë parë shumë personalitete politike dhe institucionale që po u bashkohen deputetëve dhe ministrave. Ndër të pranishmit është edhe Rifat Jashari, vëllai i komandantit legjendar Adem Jashari, një figurë simbolike për sakrificën dhe lirinë e Kosovës.

Gjatë përgatitjeve, deputetët janë parë duke u fotografuar me të pranishmit, duke treguar atmosferë festive dhe përkushtim ndaj shënimit të kësaj date historike.

Seanca solemne në Kuvend do të shënojë aktivitetet qendrore zyrtare për Ditën e Pavarësisë, duke reflektuar rëndësinë e 18 vjetëve të shtetndërtimit dhe kujtesën për heronjtë e lirisë. /Lajmi.net/