Ish-nënkryetari i OVL UÇK-së, Nasim Haradinaj, ka uruar 18-vjetorin e Pavarësisë së Kosovës.

Haradinaj tha se pavarësisht se është ditë feste, sipas tij, është e mangët pa çlirimtarët e Kosovës, që aktualisht po gjykohen në Hagë.

“Si vetë akti i Pavarësisë, është dita më e mirë për gjithë shqiptarët, por si pjesë se ku gjendemi tani, unë mendoj që sot është një ditë, e cila na bën të mendojmë se a e kemi e dashur tamam lirinë”, tha Haradinaj në Klan Kosova.