Pas njoftimit të Korporatës Energjetike të Kosovës se njësia B1 e termocentralit Kosova B është ndalur për shkak të rrjedhjeve të avullit, ka reaguar Janna Ymeri nga Lidhja Demokratike, duke e cilësuar situatën si menaxhim të dobët që rëndon buxhetin e shtetit.

KEK njoftoi se sot rreth orës 10:00 janë evidentuar “rrjedhje të konsiderueshme të avullit në sistemin e gypave brenda kaldajës”, çka ka imponuar ndaljen e bllokut.

Në reagimin e saj, Ymeri ka ngritur shqetësimin se dështimet teknike po bëhen të zakonshme dhe se kostoja financiare e kësaj ndërprerjeje është e lartë. Ajo ka paraqitur të dhëna se zëvendësimi i prodhimit vendas me import po bëhet me çmime shumë më të larta se ato të KEK-ut.

“Të paktën 6000 Euro deri 9,500 Euro më shumë në orë po shkojnë import me çmime të Alpex-it,” shkruan Ymeri, duke shtuar se çmimi i energjisë për nesër në bursë pritet të jetë “afër 80 Euro/MWh”, që sipas saj është më shumë se dyfishi i kostos së prodhimit nga KEK.

Përveç çmimit të energjisë, zyrtarja e LDK-së ka ngritur alarmin edhe për rritjen drastike të kostove të transmetimit, duke theksuar se ankandi ditor për bartje rritet “nga 1,989 Euro në 11,085 Euro”.

Ymeri ka kritikuar ashpër Qeverinë dhe narrativën e saj mbi sukseset energjetike, duke akuzuar se përfituesit realë të kësaj situate janë tregtarët privatë.

Postimi i plotë: