Deputeti i Lidhjes Demokratike të Kosovës (LDK), Armend Zemaj, ka bërë të ditur se ka marrë pjesë në ngjarjen tradicionale të Lutjeve të Mëngjesit në Shtetet e Bashkuara të Amerikës.

Në një postim në Facebook, Zemaj e ka cilësuar pjesëmarrjen në këtë ngjarje si një kënaqësi të veçantë, duke theksuar rëndësinë e saj në promovimin e dialogut, bashkëpunimit dhe vlerave të përbashkëta ndërkombëtare.

“Kënaqësi e veçantë të jem pjesë e Lutjeve të Mëngjesit në SHBA, një ngjarje që promovon dialogun, bashkëpunimin dhe vlerat e përbashkëta ndërkombëtare,” ka shkruar Zemaj.

Ai po ashtu ka shprehur mirënjohje dhe urim për Shtetet e Bashkuara të Amerikës, duke përfunduar mesazhin me fjalët: “Zoti i bekoftë SHBA-të!”. /Lajmi.net/