Prokuroria Themelore në Prishtinë ka njoftuar se personat e dyshuar për manipulim të votave në Obiliq, pas intervistimit janë liruar.

Sipas njoftimit zyrtar, me 4 shkurt 2026 prokuroria ka autorizuar Policinë e Kosovës në Prishtinë për grumbullimin dhe sigurimin e provave që lidhen me dyshimet për vepra penale në këtë proces. Hetimet fokusohen konkretisht në Komunën e Obiliqit, ku disa persona janë intervistuar si të dyshuar për keqpërdorime apo falsifikime gjatë numërimit të votave të kandidatëve të subjekteve politike, transmeton lajmi.net.

Pas intervistimit, të dyshuarit janë liruar në procedurë të rregullt, ndërsa rasti mbetet nën hetim. Autoritetet kanë bërë të ditur se po vazhdojnë punën për zbardhjen e plotë të rrethanave dhe për të verifikuar nëse ka pasur shkelje ligjore gjatë procesit zgjedhor.

Prokuroria Themelore në Prishtinë, në bashkëpunim me Policinë e Kosovës, ka theksuar se mbetet e përkushtuar në luftimin e kriminalitetit, forcimin e sundimit të ligjit dhe sjelljen para drejtësisë të kujtdo që bie ndesh me ligjin.

Prokuroria Themelore në Prishtinë njofton opinionin publik se ka autorizuar Policinë e Kosovës në Prishtinë për grumbullimin dhe sigurimin e provave lidhur me dyshimet për kryerjen e veprave penale gjatë procesit të numërimit të votave të kandidatëve për deputetë në Kuvendin e Republikës së Kosovës.

Me datë 04.02.2026, Prokuroria ka autorizuar Policinë e Kosovës për intervistimin e disa personave të dyshuar në Komunën e Obiliqit, lidhur me dyshimet për keqpërdorime apo falsifikime gjatë procesit të numërimit të votave të kandidatëve të subjekteve politike.

Pas intervistimit, personat e dyshuar janë liruar në procedurë të rregullt, ndërsa hetimet janë duke vazhduar me qëllim të sqarimit të plotë të rrethanave të rastit.

Prokuroria Themelore në Prishtinë në bashkëpunim me Policinë e Kosovës, ka theksuar se mbeten të përkushtuara në luftën e kriminalitetit, forcimin e sundimit të ligjit dhe vënien para drejtësisë të të gjithë atyre që bien ndesh me ligjin./lajmi.net/