Para mbledhjes së Kuvendit të LDK-së, anëtari i kësaj partie, Xhavit Ukaj, është pyetur rreth pretendimeve për manipulime me vota në Prizren.

Ukaj ka deklaruar se do të ishte i gatshëm të thirrej nga Prokuroria për të dhënë dëshmi dhe për të shpjeguar situatën, raporton lajmi.net

Ai ka theksuar se, sipas tij, LDK-së nuk i ka humbur asnjë votë dhe kandidaturat për deputetë janë të paprekura, edhe pas rinumërimit të votave.

“Unë kam qef që më thërras Prokuroria dhe do t’u tregoj se ku kam qenë dhe çfarë probleme kam pasur. Mirëpo një gjë gëzohemi që partisë nuk i ka munguar asnjë votë dhe kandidatët për deputetë që kanë fituar në herën e parë janë të njëjtë edhe pas rinumërimit. Nuk ka ndryshim të kandidaturave, asnjë kandidat që ka fituar mbetet deputet,” ka thënë Ukaj.

Kujtojmë se pas rinumërimit të rezultatëve, Ukajt të LDk-ës i’u hoqën më shumë se 1500 vota./Lajmi.net/