Njësiti i Hetimeve i Stacionit Policor në Fushë Kosovë, me autorizim të prokurorisë kompetente, ka kërkuar bashkëpunimin e qytetarëve për ofrimin e informatave që do të ndihmonin në identifikimin e personave të dyshuar, të cilët shihen në fotografitë e publikuara nga policia.

Sipas njoftimit zyrtar, personat e dyshuar kërkohen për përfshirje në veprën penale “Vjedhje e rëndë”. Policia ka bërë thirrje që çdo qytetar që posedon informata relevante, të ndihmojë në identifikimin dhe lokalizimin e tyre, raporton lajmi.net

Për çdo informatë që mund të çojë në identifikimin e personave të dyshuar, qytetarët mund të kontaktojnë Policinë e Kosovës në numrin emergjent 192 ose përmes adresës elektronike [email protected].

Policia ka garantuar se bashkëpunimi i qytetarëve do të trajtohet me konfidencialitet të plotë./Lajmi.net/