Si shkak i reshjeve të vazhdueshme të shiut në disa prej komunave të Kosovës kanë filluar sërish vërshimet.

Gjendje aspak e mirë është në aksin rrugor Ferizaj-Gjilan, saktësisht në fshatin Sojevë.

Ky aks rrugor është mbyllur për qarkullim si shkak i grumbullimit të ujit në rrugë.

Si pasojë, të gjitha automjetet të cilat udhëtojnë në këtë drejtim po orientohen që të shfrytëzojnë rrugën alternative Ferizaj-Mirosal-Gjilan dhe anasjelltas, transmeton lajmi.net.

Autoritetet u bëjnë thirrje qytetarëve për kujdes të shtuar gjatë qarkullimit, pasi reshjet e shtuara kanë vështirësuar kushtet atmosferike dhe të rrugës.

Po ashtu, kërkohet respektimi i sinjalizimit rrugor dhe përshtatja e shpejtësisë me kushtet aktuale.

Ende nuk dihet se kur do të hapet sërish për qarkullim ky segment rrugor./Lajmi.net/