Instituti Kombëtar i Shëndetësisë Publike të Kosovës ka rikujtuar se vaksinimi ka qenë ndër masat më të suksesshme të shëndetit publik në Kosovë për dekada me radhë, duke parandaluar dhe eliminuar shumë sëmundje që dikur ishin të zakonshme dhe shpesh fatale për fëmijët.

Sipas IKSHPK-së, falë vaksinimit të rregullt sipas Kalendarit të Vaksinimit, sëmundje si paraliza e fëmijëve (poliomieliti) janë eliminuar, ndërsa difteria dhe tetanusi janë bërë shumë të rralla.

Po ashtu, është parandaluar rubella e lindur, e cila më parë shkaktonte verbëri dhe dëmtime të rënda, ndërsa fruthi – dikur një ndër shkaqet kryesore të hospitalizimeve dhe vdekjeve – është vënë nën kontroll falë vaksinës MMR (fruth–parotit–rubellë).

Instituti ka theksuar se vitet e fundit janë përhapur informacione të pasakta sipas të cilave vaksina MMR shkakton autizëm, duke sqaruar se këto pretendime nuk kanë asnjë bazë shkencore.

“Shkenca ka vërtetuar qartë se vaksina MMR nuk lidhet me autizmin. Këtë e konfirmojnë Organizata Botërore e Shëndetësisë (OBSH), Qendrat Amerikane për Kontroll dhe Parandalim të Sëmundjeve (CDC), Agjencia Evropiane e Barnave (EMA), si dhe studime të shumta ndërkombëtare që kanë përfshirë miliona fëmijë”, thuhet në njoftim.

Postimi i plotë: