Presidenti amerikan Donald Trump ka ndarë një imazh, me sa duket të modifikuar nga inteligjenca artificiale, që e tregon atë të ulur pranë një harte të SHBA-së që përfshin Grenlandën, Kanadanë dhe Venezuelën, ndërsa flet me udhëheqësit evropianë.

Fotografia, të cilën Trump e postoi në Truth Social, duket të jetë një version i modifikuar i një fotografie të bërë kur udhëheqësit – përfshirë presidentin Francez Emmanuel Macron, kryeministrin britanik Keir Starmer dhe presidenten e Komisionit Evropian, Ursula von der Leyen – shkuan në Uashington, D.C, në gusht 2025.

Që kur u kthye në detyrë në janar 2025, Trump ka komentuar vazhdimisht për aneksimin e Kanadasë si shteti i 51-të. Më herët këtë muaj, ai postoi një imazh në mediat sociale që e përshkruante atë si “presidenti në detyrë i Venezuelës”, pas kapjes së udhëheqësit Nicolás Maduro nga SHBA-të.

Postimi i fundit i Trump vjen mes pretendimit të tij të gjatë se SHBA-të duhet të fitojnë Grenlandën, një territor danez vetëqeverisës, për arsye sigurie kombëtare.

Presidenti nuk ka pranuar të përjashtojë përdorimin e forcës ushtarake për të fituar kontrollin e ishullit Arktik, dhe ka kërcënuar me tarifa për aleatët evropianë që i rezistojnë një pushtimi të tillë.Ndërsa udhëheqësit evropianë janë zotuar për solidaritet me Danimarkën dhe Grenlandën, postimi në mediat sociale nënvizon zgjerimin e përçarjes diplomatike midis Uashingtonit dhe Kontinentit.