Në Gjykatën Themelore në Prishtinë sot po zhvillohet seanca e radhës ndaj ish-kryeshefit të Korporatës Energjetike të Kosovës (KEK), Nagip Krasniqi.

Gjatë kësaj seance prokuroja e rastit deklaroi se kanë mjaftueshëm prova se Krasniqi me bashkëpunëtorët e tij bën ndërhyrje në kontrata duke i shkaktuar dëm shtetit rreth 37 milionë euro.

E pas kësaj, Krasniqi ka reaguar në lidhje me akuzat e prokurorisë, duke mbështetur deklarimin e avokatit të tij mbrojtës.

Ai tha se për 5 muaj paraburgim i është bërë aktgjykimi.

“Me aktin e arrestimit tim dhe mbajtjen në paraburgim për 5 muaj është bërë aktgjykimi. Kemi dhjetëra raste të tjera dhe nuk ka pasur arrestime, dhe kjo tregon se çfarë pozicioni ka pasur prokuroria në këtë rast”,deklaroi Krasniqi.

Ai shtoi se prokuroria ka tentuar të marrë rolin e aksionarit dhe të gjykojë vendimet menaxheriale që nuk kanë lidhje me Kodin Penal.

“Prokuroria thotë se janë dëmtuar operatorë të tjerë, por ne nuk kemi marrë asnjë ankesë. Po ashtu, pretendimi se kemi blerë rrymë në mënyrë të parregullt është plotësisht i pavërtetë. Në rastin e konsulencës ligjore, për të cilën flet prokuroria, nuk e di që diku është e ndaluar. Prokuroria pretendon se vartësit i kam vendosur në varësi, dhe gjithashtu thotë se kam angazhuar konsulencë ligjore pavarësisht se KEK ka zyrë ligjore. Unë nuk e di që është roli i prokurorisë të vlerësojë këtë”,shtoi ai.

Krasniqi pohoi se gjatë periudhës që ka udhëhequr KEK-un ka pasur një krizë energjetike në të gjithë Evropën.

“Ka qenë e nevojshme të merren vendime, por gjithmonë duke pasur parasysh interesin e kompanisë dhe vendit. Për asnjë rast nuk ka pasur përfitim personal nga unë, dhe prokuroria nuk ka gjetur asnjë cent në xhirollogaritë e mia apo të familjarëve të mi.”, shtoi ai./Lajmi.net/

Detaje të reja rasti i Krasniqit, prokurorja: Nga kontratat e dëmshme në KEK, Kosovës iu shkaktuan dëme 37 milionë euro

Prokurorja: Kemi mjaftë prova që Nagip Krasniqi i ka dërgu projekte Dejona Mihalit, dhe ajo kundërligjshëm ka vendosur për to