Probleme të shumta iu paraqitën qytetarëve, pas vërshimeve disa ditore në Kosovë.

Shumë familje pësuan dëme të shumta materiale, e shumë qytetarë mbetën rrugëve të bllokuar.

E si shkak i këtyre vërshimeve shumë prej vozitësve humbën tabletat e tyre të automjeteve.

Policia e Kosovës ka njoftuar se në zonën që kishte më shumë vërshime, në rrugën Prishtinë-Ferizaj, janë gjetur disa tableta, të cilat janë dorëzuar në stacionin policor në Graçanicë, transmeton lajmi.net.

Ato mund të merren nga pronarët në fjalë.

Njoftim:

Njoftohen qytetarët, se në zonën që kishte vërshime,  në rrugën Prishtinë -Ferizaj, saktësisht në afërsi të Prishtina Mall, janë gjetur disa tabela të automjeteve,  të cilat janë dorëzuar në Stacionin Policor në Graçanicë.

Andaj, ftohen pronarët e këtyre tabelave që të paraqiten në këtë stacion policor për tërheqjen e tyre.

Faleminderit për bashkëpunim./Lajmi.net/