Kryetari i Gjykatës Supreme, Fejzullah Rexhepi ka pritur sot në takim, Ambasadorin e Britanisë së Madhe në Kosovë, Jonathan Hargreaves.

Në këtë takim, ata kanë biseduar lidhur me mbarëvajtjen e procesit zgjedhor dhe rollin që Gjykata Supreme ka në këtë proces, shkruan lajmi.net.

“Kryetari Rexhepi e njoftoi ambasadorin me rolin e Gjykatës Supreme në proceset zgjedhore, duke bërë me dije se të gjitha ankesat administrative të ushtruara kundër vendimeve të Panelit Zgjedhor për Ankesa dhe Parashtresa (PZAP), për zgjedhjet e fundit lokale, janë trajtuar dhe vendosur brenda afateve ligjore. Në këtë mënyrë është garantuar trajtimi i barabartë i të gjithë ankuesve. Po ashtu, të gjitha vendimet janë publikuar në ueb-faqen zyrtare të Gjykatës Supreme, duke reflektuar transparencë të plotë institucionale”, ka njoftuar Gjykata Supreme përmes një komunikate për media.

Në këtë komunikatë, thuhet se Rexhepi ka shprehur bindjen se edhe në Zgjedhjet e Parakohshme Nacionale të 28 dhjetorit, do të ketë nj proces të drejtë dhe demokratik, ku ka thënë se do të kontribuoj edhe Gjykata Supreme, përmes vendosjes së drejtë dhe trajtimit me kohë të ankesave.

“Ambasadori Hargreaves, duke vlerësuar rolin e Gjykatës Supreme në këtë proces, e falënderoi kryetarin për punën dhe ritheksoi mbështetjen e Britanisë së Madhe për  Gjykatën Supreme dhe gjithë sistemin gjyqësor. Bashkëbiseduesit diskutuan edhe për iniciativat për trajnime dhe shkëmbim përvojash, përfshirë bashkëpunimin me partnerë ndërkombëtarë”, thuhet mes tjerash në komunikatë. /Lajmi.net/ 

Komunikata e plotë: