Ish-kandidati i Partisë Demokratike të Kosovës për kryetar të Lipjanit, Shukri Buja ka bërë të ditur se nuk do të garojë për deputet në zgjedhjet e 28 dhjetorit.

Buja u shpreh se nuk ka aspak ambicie për t’u përfshirë në listën zgjedhore dhe se, pavarësisht insistimit të PDK-së, ai ka vendosur të mos pranojë kandidimin.

“Nuk do të jem kandidat për deputet, nuk kam ambicie dhe me gjithë insistimin e Partisë nuk kam pranuar të jem kandidat në këto zgjedhje!”, deklaroi ai për FrontOnline.