Kryeministri i Shqipërisë, Edi Rama, ka përkujtuar sot 70-vjetorin e lindjes së Adem Jasharit, një nga figurat më të shquara të luftës për lirinë e Kosovës, transmeton lajmi.net.

Në një postim në rrjetet sociale, Rama thekson se Jashari lindi pikërisht më 28 Nëntor, Ditën e Flamurit, dhe u bë simbol i sakrificës, lirisë dhe krenarisë kombëtare për shqiptarët.

“Sot kujtojmë edhe 70-vjetorin e lindjes së Adem Jasharit, heroit që lindi në Ditën e Flamurit dhe u kthye në flamur i sakrificës, lirisë dhe krenarisë kombëtare,” shkruan kryeministri Rama./lajmi.net/