Policia e Kosovës ka dhënë informacione të reja lidhur me arrestimin e një personi mbrëmë në Prishtinë, i cili dyshohet se ka kryer shitjen e mjeteve të rrezikshme dhe ilegale tek personat e mitur.

Sipas Policisë, pas informacioneve të siguruara nga njësia e inteligjencës e Stacionit Policor “Qendra”, është bërë identifikimi dhe arrestimi i të dyshuarit.

Gjatë kontrollit, tek ai janë gjetur dhe sekuestruar 54 thika, 14 boksa metalikë dhe 2 shufra metalike.

Në koordinim me Prokurorin e Shtetit, ndaj të dyshuarit është iniciuar rasti për veprën penale “Armëmbajtje pa leje”, dhe ai është dërguar në mbajtje për 48 orë.

Policia thekson se hetimet do të vazhdojnë për të zbuluar nëse ka pasur përfshirje të personave të tjerë dhe për të siguruar që mjetet e sekuestruara nuk do të shpërndahen më tej te të miturit.

Njoftimi i plotë: