Në Pallatin e Drejtësisë po mbahet seanca për rastin e vrasjes së Liridona Ademajt, i cili ka ndodhur më 29 nëntor 2023.

Në seancë, tanimë janë të pranishëm edhe tre të akuzuarit, Naim Murseli, Granit Plava dhe Kushtrim Kokalla, shkruan lajmi.net.

Në rastin e Liridona Ademaj kanë dëshmuar dëshmitarë okular, mjeku që bëri autopsinë, Naim Uka, eksperti Bujar Obertinca, ish-drejtori i Institutit të Mjekësisë Ligjore, Shpend Haxhibeqiri, e të tjerë.

Në seancën e fundit të mbajtur më 10 tetor, pritej të dëshmojë babai i Naim Murselit, Shaban Murseli por ai nuk ishte i pranishëm.

Shaban Murseli ishte paraparë të dëshmoj edhe sot, por i njëjti përsëri po mungon pasi që e ka njoftuar Gjykatën se ndodhet në Suedi dhe nuk mund të marrë pjesë. /Lajmi.net/