Fshati Astrazub në Malishevë u bë skenë e një operacioni policor më 16 nëntor 2025, ku tre persona u shoqëruan në stacionin policor nën dyshimin se kishin kryer vepra penale të lidhura me gjuetinë e kundërligjshme dhe mbajtjen pa leje të armëve.

Sipas policisë, dyshohet se të njëjtit kishin postuar në rrjete sociale foto me kafshë të vrara, gjë që nxiti hetimet. Me vendim të prokurorit, janë sekuestruar tri pushkë gjuetie, ndërsa pas intervistimit, të dyshuarit janë liruar në procedurë të rregullt, transmeton lajmi.net.

Rasti vazhdon të hetohet nga autoritetet për veprime të mëtejshme ligjore./lajmi.net/