Presidentja e Kosovës, Vjosa Osmani ka vendosur datën 28 dhjetor për zgjedhjet e jashtëzakonshme parlamentare.

Ky vendim ka ardhur pas takimit të fundit që Osmani ka pas me krerët e partive politike sot, pasi dje ka dështuar edhe tentimi i dytë për formimin e Qeverisë nga VV, saktësisht nga mandatari i dytë, Glauk Konjufca.

Kjo datë ndonëse nuk është pëlqyer nga partitë opozitare, ajo në vazhdimësi ka qenë data e preferuar nga partia që ka dal e para në zgjedhjet e 9 shkurtit.

Menjëherë pasi Osmani ka shpallur zgjedhjen, akterë të VV-së i kanë dal “krah” Osmanit.

Ish-ministrja e Drejtësisë, Albulena Haxhiu, ka reaguar me entuziazëm pas këti vendimi.

Në një postim në rrjetet sociale, Haxhiu shkruan:

“Festë edhe më 28 nëntor, edhe më 28 dhjetor. Na priftë e mbara”, ka shkruar Osmani.

Si vendim të duhur e ka parë edhe ministri në detyrë i financave, Hekuran Murati.

“Caktimi i datës 28 dhjetor për zgjedhje është vendimi i duhur. Kjo e mundëson daljen sa më të madhe të qytetarëve për të votuar marrë parasysh edhe ardhjen e diasporës, por edhe i jep kohë të mjaftueshme KQZ-së për të organizuar zgjedhjet sa më mirë. Na priftë e mbara”, ka shkruar Murati.

Zëdhënësi i VV-së, Arlind Manxhuka ka ftuar qytetarët të votojnë.

“Me 28 dhjetor vvotojmë dhe festojmë. Na priftë e mbara!”, ka shkruar Manxhuka në Facebook.

Reagimet e partisë në pushtet, po vazhdojnë ende ndërkaq Osmani nga opozita po akuzohet se po mban linjën e Kurtit. /Lajmi.net/