Kombëtarja e Kosovës ka arritur një rekord historik në përditësimin më të fundit të renditjes së FIFA-s, falë paraqitjeve të suksesshme në kualifikimet për Kupën e Botës 2026.

‘Dardanët’ siguruan një vend në ‘play-off’ të Botërorit, pasi e mbyllën Grupin B në pozitën e dytë, ku u përballën me Zvicrën, Slloveninë dhe Suedinë, raporton lajmi.net

Kosova e përfundoi kampanjën me tri fitore, dy barazime dhe vetëm një humbje. Në ndeshjet e fundit, ajo triumfoi kundër Sllovenisë në Ljubljanë dhe barazoi 1-1 me Zvicrën në stadiumin ‘Fadil Vokrri’.

Falë këtyre rezultateve, Kosova ka shënuar edhe një rritje të ndjeshme në renditjen e UEFA-s, e dyta brenda këtij viti pas asaj të nëntorit.

 Renditja e re e FIFA-s

Kosova është ngjitur për katër pozita dhe tashmë mban vendin e 80-të në renditje duke lënë pas vetes kombëtare si Curaçao, Guinea, Mali i Zi etj.

Shqipëria në ndërkohë ka rënë në dy pozita dhe tashmë gjendet në vendin e 63-të.

Listën e plotë të shteteve me përditësimin më të ri të FIFA-s mund ta gjeni KËTU.