Kryetari i Prishtinës, Përparim Rama ka dal me tjetër postim për ministrin e Financave në detyrë, Hekuran Muratin.

Rama ka kritikuar qasjen e VV-së për përçarje, transmeton lajmi.net.

“Ne ju shohim, ju lexojmë, por nuk biem në nivelin tuaj.”, tha Rama ndër të tjera.

Postimi i plotë:

Hekuran,

Sa për sqarim: Prishtina e ka Kryetarin. LDK e ka Kryetarin. Dhe shumë shpejt, Kosova do ta ketë edhe Kryeministrin e saj, Lumir Abdixhikun.

Sa herë përpiqeni të krijoni përçarje mes nesh, thjesht e bëni më të qartë dallimin në kulturë politike. Ne ju shohim, ju lexojmë, por nuk biem në nivelin tuaj.

Thjesht vazhdojmë punën dhe fitojmë. Siç e fituam Kryeqytet dy herë.

Ne e kemi besimin e qytetarëve.

Ajo që keni ju është një kallëzim penal dhe një lëndë në Kushtetuese për një bllokim të pajustifikueshëm të Kryeqytetit për të cilin keni me jep përgjegjësi, sot apo nesër!/lajmi.net/