Komisioni Qendror i Zgjedhjeve ka bërë të ditur se në QNR ka përfunduar numërimi i votave të dërguara me postë për raundin e dytë të zgjedhjeve në 18 komuna.

Sipas të dhënave zyrtare, në Kosovë kanë mbërritur gjithsej 12,018 pako, prej të cilave 8,932 janë aprovuar, ndërsa 3,086 janë refuzuar. Shkaku kryesor i refuzimit ka qenë mungesa e dëshmisë së regjistrimit, që është konstatuar në 3,009 raste, transmeton lajmi.net.

Gjatë datave 11 dhe 12 nëntor, nga kutitë postare të KQZ-së në 22 shtete janë tërhequr 13,084 pako.

Në total, për këto komuna janë 29,752 qytetarë të regjistruar për të votuar me postë.

Njoftimi i plotë:

NJOFTIM NGA KQZ

E shtunë, ora 15:00

1. Aktivitetet në Qendrën e Numërimit dhe Rezultateve (QNR):

Në QNR ka përfunduar numërimi i fletëvotimeve të votimit me postë për raundin e dytë të zgjedhjeve për Kryetarë të 18 komunave.

Procesi i vlerësimit deri më tani:

Të pranuara në Kosovë: 12,018 pako

8,932 të aprovuara

3,086 të refuzuara

Arsyeja kryesore e refuzimit:

Mungesa e dëftesës së regjistrimit në 3,009 raste.

Gjatë 11–12 nëntorit janë tërhequr 13,084 pako nga kutitë postare të KQZ-së në 22 shtete.

Numri i votuesve të regjistruar për postë për këto komuna: 29,752.

Të hënën procesi i numërimit do të vazhdojë për një pjesë të pakove që janë tërhequr nga kutitë postare në ShBA dhe Australi.