Është bërë ndërrimi i prokurorit në rastin që lidhet me dyshimet për parregullsi gjatë numërimit të votave në Qendrën e Numërimit dhe Rezultateve në Mitrovicë.

Ushtruesi i detyrës së ministrit të Drejtësisë, Blerim Sallahu, ka konfirmuar për Dukagjinin se prokurori Shpëtim Peci është zëvendësuar nga Sahit Tmava, raporton lajmi.net

Procesi i numërimit të votave të balotazhit të mbajtur më 9 nëntor në Mitrovicën e Jugut ishte pezulluar përkohësisht me urdhër të Prokurorisë Themelore.

Ndërkohë, kjo prokurori ka dhënë urdhër për rinumërim të plotë të votave në këtë komunë, pas ngritjes së dyshimeve për parregullsi në proces./Lajmi.net/