Deputeti i PDK-së, Artan Behrami i cili mbrëmë raportoi se si ishin gjetur parregullësi në kuadër të numërimit të votave në Mitrovicën e jugut, sot reagoi sërish.

Behrami ka publikuar edhe një dokument në kuadër të zgjedhjeve, e i cili mban dy vula të vendosura mbi njëra-tjetrën.

Behrami duke folur për vjedhjen e votave që raportohet se u bë në Mitrovicë, përmendi edhe kryeministrin në detyrë Albin Kurti.

“Kur filluan t’i hapnin kutitë në Mitrovicë, u dëgjuan piskama. Kur e panë Albini i kishte pasur duart në to!”, tha ai.

Përpos kësaj një video tjetër shfaq edhe një fletëvotim pa vulë fare.

“Çrregullimet” e numrave serikë e probleme të shumta me vula u shfaqën prej dje në qendrën e numërimit ku Prokuroria mori vendim që të ndalohet puna./Lajmi.net/

“Ndërpritet numërimi” Krejt çka ndodhi mbrëmë në jug të Mitrovicës, reagimi i KQZ-së e vendimi i Prokurorisë