Presidentja e vendit, Vjosa Osmani do të pres sot në takim liderët e partive politike në vend.

Ftesa për këtë takim u bë dje nga presidentja Osmani dhe u konfirmua nga Zyra për Media.

Pas shumë muajsh ngërçi politik në konstituimin e Kuvendit të Kosovës, vendi mbetet pa qeveri funksionale pasi në seancën e fundit dështoi formimi i qeverisë me mandatar, Albin Kurtin.

E para e vendit do të ketë takim konsultativ teksa ka bërë thirrje për marrëveshje politike mes subjekteve për të kaluar bllokadën shtetërore.

E kësaj ftese, po i thanë nga të gjitha partitë e mëdha në vend.

Kjo u konfirmua për lajmi.net nga zëdhënësit e deputetë të partive përkatëse.

Sipas Kushtetutës, Osmani duhet të caktojë një mandatar tjetër për formimin e qeverisë brenda 10 ditësh nga dështimi i mandatarit të parë- edhe pse nga ajo çka u deklarua së fundi pritet që të shkohet drejt zgjedhjeve të reja.

Megjithatë, ky takim u pa si një shtrim rruge për zgjedhje të reja meqë nuk ka shenja për krijim të shumicës parlamentare.

Kujtojmë se mandatari i parë i LVV-së për kryeministër Albin Kurti mori 56 vota pro në seancën e fundit, teksa presidentja pas dështimit të mandatarit të parë sipas Kushtetutës duhet të caktojë mandatarin e radhës në periudhën brenda 10 ditësh./Lajmi.net/