Ish-ministri i Infrastrukturës në Qeverinë Kurti II, Liburn Aliu ka marrë pozitë të rëndësishme në Qeverinë Shqiptare.

Ai është emëruar drejtor i Portit të Durrësit nga kryeministri i Shqipërisë Edi Rama dhe zëvendëskryeminstrja Belinda Balluku, të cilët i ka falënderuar për besimin e dhënë.

“Me përkushtim të plotë, do të vijojmë punën për të çuar përpara projektet madhore të modernizimit të Portit të Durrësit dhe ndërtimin e Portit të ri në Porto Romano, një nyje strategjike rajonale me ndikim të thellë ekonomik e tregtar për të gjithë shqiptarët. Ky është një hap i rëndësishëm drejt së ardhmes që po ndërtojmë me vizion, punë dhe besim”, ka shkruar Aliu në Facebook.

Ai kishte dhënë dorëheqje nga pozita e ministrit në Kosovë, pasi sipas tij nuk ishte pajtuar me emërimin e Dimal Bashës si kryetar të Kuvendit të Kosovës. /Lajmi.net/ 

Postimi i tij i plotë: