Agim Ademi: I uroj suksese Dritës dhe besoj fuqishëm se do të na përfaqësojë denjësisht

Kryetari i Federatës së Futbollit të Kosovës, Agim Ademi u deklarua pasi mori pjesë në shortin e fazës së ligës në UEFA Conference League në Monako. Ademi tha kampioni ynë, Drita do të garojë mes më të mirëve. “Pjesëmarrja e Dritës në këtë garë të jetë promovim i mirë i futbollit tonë në arenën evropiane,…

Sport

29/08/2025 14:41

Kryetari i Federatës së Futbollit të Kosovës, Agim Ademi u deklarua pasi mori pjesë në shortin e fazës së ligës në UEFA Conference League në Monako.

Ademi tha kampioni ynë, Drita do të garojë mes më të mirëve.

“Pjesëmarrja e Dritës në këtë garë të jetë promovim i mirë i futbollit tonë në arenën evropiane, që po vazhdon të rritet dita-ditës dhe të bëhet pjesë e rëndësishme e hartës së futbollit evropian”,deklaroi Ademi.

Postimi i plotë:

🇽🇰⚽️ Sot në Monaco mora pjesë në shortin e fazës së ligës në UEFA Conference League, ku për herë të parë në historinë e tij, kampioni ynë FC Drita do të garojë mes më të mirëve.

Në këtë garë prestigjioze, Drita do të ketë përballë ekipe të njohura, si AZ Alkmaar, Omonia, Rayo Vallecano, KuPS Kuopion, Shelbourne dhe Shkëndija e Tetovës.

Pjesëmarrja e Dritës në këtë garë të jetë promovim i mirë i futbollit tonë në arenën evropiane, që po vazhdon të rritet dita-ditës dhe të bëhet pjesë e rëndësishme e hartës së futbollit evropian.

I uroj suksese Dritës dhe besoj fuqishëm se do të na përfaqësojë denjësisht dhe me krenari në këtë garë.

#BashkëPërFutbollin./Lajmi.net/