Chelsea në bisedime me Barcelonën – ofron 50 milionë euro për lojtarin e tyre
Chelsea ka vendosur sytë te mesfushori ofensiv i Barcelonës, Fermin Lopez. Sipas David Ornstein nga The Athletic, londinezët po shqyrtojnë seriozisht mundësinë e transferimit të 22-vjeçarit, edhe pse ende nuk ka pasur kontakte direkte me klubin katalunas. Për momentin, Chelsea është duke negociuar me kampin e lojtarit, teksa po planifikon lëvizjet në rast largimesh brenda…
Sport
Chelsea ka vendosur sytë te mesfushori ofensiv i Barcelonës, Fermin Lopez.
Sipas David Ornstein nga The Athletic, londinezët po shqyrtojnë seriozisht mundësinë e transferimit të 22-vjeçarit, edhe pse ende nuk ka pasur kontakte direkte me klubin katalunas.
Raportimet e The Athletic konfirmojnë lajmet e mëparshme nga Diario Sport, ku thuhej se Chelsea është e gatshme të bëjë një ofertë zyrtare prej 50 milionë eurosh për Fermin, nëse Barcelona jep dritën jeshile për transferimin.
Strategjia e londinezëve është e qartë: fillimisht të bindin lojtarin, e më pas të avancojnë me ofertën për ta siguruar atë në afatin kalimtar.
🚨 Chelsea evaluating possibility of move for Fermin Lopez. No contact yet with Barcelona but #CFC speaking to 22yo attacking midfielder’s camp as options explored in case of exits & given #FCBarcelona depth in Spain international’s position @TheAthleticFC https://t.co/ZdQ4FcB7nX
— David Ornstein (@David_Ornstein) August 26, 2025
Megjithatë, Barcelona mban kartën më të fortë në dorë. Kontrata e Ferminit përmban një klauzolë lirimi prej një miliard eurosh, gjë që i jep klubit katalunas kontroll të plotë mbi të ardhmen e tij.
Pa dëshirën e Barçës dhe pa vendimin e lojtarit për t’u larguar, marrëveshja nuk ka gjasa të realizohet.
