Dy persona janë shoqëruar për në stacion policor, pasi kanë penguar punimet në rrugën “A” në kryeqytet.

Në lidhje me rastin, detaje ka dhënë edhe zëdhënësi i Policisë së Kosovës në rajonin e Prishtinës, Enis Pllana.

Pllana ka thënë se ndaj tyre janë shqiptuar gjoba për “prishje të rendit dhe qetësisë publike”.

“Sot rreth orës 08:00, dy persona janë shoqëruar për në stacion policor, pasi që të njëjtit kanë penguar punimet që kanë qenë duke u bërë në rrugën “A”. Në koordinim me prokurorin, të njëjtit janë intervistuar dhe u janë shqiptuar gjoba për “Prishje të rendit dhe qetësisë publike””, tha Pllana.