Në kuadër të aktiviteteve për shënimin e 14-vjetorit të rënies së Heroit Enver Zymeri dhe Ditës Memoriale të zyrtarëve policorë të rënë në krye të detyrës, është organizuar një marsh përkujtimor me motoçikleta në Mitrovicë.

Marshi, i cili përfshiu një shteg prej 94 kilometrash, u zhvillua në nderim të Enver Zymerit dhe 24 zyrtarëve të tjerë të Policisë së Kosovës që kanë dhënë jetën në shërbim të atdheut, transmeton lajmi.net

Ky aktivitet simbolik kishte për qëllim të përkujtojë me respekt dhe mirënjohje sakrificën e tyre në mbrojtje të rendit kushtetues, ligjit dhe sigurisë publike në vend.

Organizimi i këtij marshi përbën një shenjë të fortë kujtese për kontributin dhe guximin e zyrtarëve të rënë, duke i vendosur ata në zemër të vlerave të shtetit dhe shoqërisë kosovare./lajmi.net/